Тыдзень беларускай мовы і літаратуры
З 15 па 21 лютага ў нашай установе адукацыі прайшоў тыдзень беларускай мовы і літаратуры. Напярэдадні правядзення тыдня была праведзена грунтоўная папярэдняя падрыхтоўка, адбор матэрыялу для выкарыстання ў рамках тыдня.
Вучні актыўна прынялі ўдзел у разнастайных мерапрыемствах: конкурсе малюнкаў, конкурсе чытальнікаў вершаў і ўрыўкаў з твораў беларускіх пісьменнікаў, конкурсе творчых пісьмовых работ і г. д. Дзеці праявілі свае інтэлектуальныя і творчыя здольнасці. Вучні рыхтаваліся загадзя: малявалі малюнкі, вучылі вершы і ўрыўкі.
Асноўнымі задачамi правядзення тыдня беларускай мовы і літаратуры з’яўляліся:
- павышэнне цiкавасцi вучняў да прадметаў “Беларуская мова” i “Беларуская лiтаратура”, а таксама беларускай культуры, традыцый;
- папулярызацыя беларускай мовы;
- развiццё крэатыўных якасцей вучняў;
- спрыянне самарэалiзацыi асобы;
- развiццё i павышэнне творчага патэнцыялу педагагiчнага калектыву;
- далучэнне да лепшых узораў сучаснай беларускай музычнай творчасці;
- вывучэнне культуралагічнага аспекту беларускамоўнай спадчыны, яго выкарыстанне ў працэсе пазаўрочнай дзейнасці;
- папулярызацыя здабыткаў беларускай культуры;
- ушанаванне юбілейных дат;
- удасканаленне ведаў па сімволіцы Рэспублікі Беларусь;
- выхаванне грамадзянскіх і патрыятычных якасцей вучняў праз уключэнне іх у сумесную дзейнасць, накіраваную на ўшанаванне асноў беларускай дзяржаўнасці.
Тыдзень беларускай мовы i лiтаратуры праходзiў у адпаведнасцi з планам, якi быў зацверджаны дырэктарам установы адукацыі.
На падрыхтоўчым этапе было азначана кола мерапрыемстваў, а таксама прызначаны настаўнікі i вучні, адказныя за iх арганiзацыю i правядзенне.
Для правядзення тыдня быў распрацаваны план правядзення мерапрыемстваў, які быў размешчаны ў настаўніцкай і на першым паверсе для вучняў і бацькоў.
Усё, што было запланавана ў рамках тыдня беларускай мовы і літаратуры, здзейснілася, прайшло своечасова, планава і высокаарганізавана.
План правядзення тыдня
“Гавары са мной па-беларуску”
|
№ |
Змест работы |
Дата |
Удзельнікі |
Адказныя |
|
1 |
Адкрыццё тыдня. Кніжная выстава, прысвечаная творчасці пісьменнікаў-юбіляраў |
15.02 |
1 – 11 класы |
Крытыш В.Л. Ярашук М.С. Сарока А.М. |
|
2 |
1.Конкурс творчых пісьмовых работ “За што я люблю родную зямлю” |
16.02 |
5 – 6 класы |
Ярашук М.С. Сарока А.М. |
|
2. Кіналекторый “Беларускія мультфільмы: Дыснею не снілася” |
16.02 |
1 – 4 класы |
Сарока А.М. Янушкевіч М.В. Бохан А.Р. |
|
|
3 |
Конкурс чытальнікаў вершаў беларускіх пісьменнікаў, прысвечаных роднай мове |
17.02 |
5 – 11 класы |
Крытыш В.Л. Ярашук М.С. Сарока А.М. |
|
4 |
Выстава малюнкаў да твораў К.Крапівы |
18.02 |
5 – 8 класы |
Крытыш В.Л. Ярашук М.С. Сарока А.М. |
|
5 |
Закрыццё тыдня. Дзень беларускай песні “Спявай, душа!” |
19.02 |
1 – 11 класы |
Крытыш В.Л. Сарока А.М. |
Распачаўся тыдзень кніжнай выставай, якую падрыхтавалі вучні 8 класа.
Класныя кіраўнікі 1 – 11 класаў правялі інфармацыйную гадзіну “Пісьменнікі-юбіляры – 2020”. Настаўнікамі пачатковых класаў быў праведзены кіналекторый “Беларускія мультфільмы: Дыснею не снілася”. Гэтыя мерапрыемствы мелі на мэце актывізацыю нацыянальнай самасвядомасці кожнага ўдзельніка адукацыйнага працэсу.
Пад час правядзення тыдня былі арганізаваны экскурсіі ў музей Маці. Спадарыня Тамара Міхайлаўна Кандратовіч гасцінна сустракала ўсіх жадаючых.
Конкурсу малюнкаў да твораў Кандрата Крапівы.
Новыя таленты раскрыліся на конкурсе чытальнікаў “Радзіма мая дарагая”. Пераможцамі конкурсу сталі Цыбоўская Эвеліна і Строк Надзея.
Для вучняў старэйшых класаў з мэтай папулярызацыі беларускай мовы, удасканалення ведаў удзельнікаў па беларускай мове быў праведзены абласны дыктант на тэму – 75 год Перамогі ў Вялікай Айчыннай вайне.
Дзень беларускай песні “Спявай, душа!” У ходзе мерапрыемства, вучні навучыліся адрозніваць гучанне скрыпкі ад кларнета, даведаліся пра народныя музычныя інструменты беларусаў, такія як свірэль, ліра, гуслі і лютня. Пазнаёміліся з музычнай спадчынай Гродзеншчыны, са знакамітымі кампазітарамі роднага краю.
Мэтай мерапрыемстваў тыдня беларускай мовы і літаратуры стала развіццё пазнавальнай і творчай актыўнасці вучняў, выхавання ў вучняў пачуцця калектывізму, узаемападтрымкі і ўзаемадапамогі, павышэння цікавасці і любові да роднага слова. Школьнікі ўбачылі і адчулі, наколькі багатая і прыгожая, мілагучная і самабытная беларуская мова. Дзеці з вялікім захапленнем прымалі ўдзел у мерапрыемствах.
У канцы свята пераможцам разнастыйных конкурсаў былі ўручаны граматы.
